GLEÐILEGT NÝTT ÁR!!!!!

Gleðilegt nýtt ár elskurnar mínar og takk fyrir það gamla.
Jæja hið nýja ár byrjaði bara ansi vel, vaknaði við sms frá Önnu Láru kl 10 í morgun að falleg stelpa hafi komið í heiminn kl 7:49 og hvað haldiði nema hún hafi verið fyrsta barn ársins á Íslandi, glæsilegt það.
Hér er litla dúllan og mamman:

Annars var ég bara róleg í gær eins og mín er von og vísa um áramót, en ég kíkti aðeins í bílskúrspartý í Góuholtið en var ekkert í miklu stuði þannig að ég var komin heim um þrjúleytið. Djammárið byrjar ekki vel hjá mér að þessi sinni enda er ég búin að vera með eindæmum lélegt í djamminu síðasta ár, kannski er mar bara að eldast! Horfðum á videó í gær sem var tekið upp þegar amma mín varð 60 árið 1992 og o my good hvað er fyndið að horfa á svona gamalt dót, ég var gjörsamlega á gelgjunni og var sko ekki að nenna að syngja með og bara yfirleitt ekki vera þarna.
Búin að vinna í bili og er ekkert nema gott um það að segja, er sko farin að hlakka til að eiga frí í viku og gera bara eiginlega ekki neitt, sofa fram yfir hádegi og leggja sig svo aftur seinni partinn og fleira í þeim dúr. Annars er ég allveg að vera búin að plana kvöldin undir heimsóknir og hittinga því nú fer að styttast í það að mar fari aftur á suðurlandið, bara vika eftir í sælunni en það verður samt gaman að byrja í skúlen og hitta alla aftur.
Ég fékk símtal frá Danaveldi í gær og ég væri sko allveg meira en til í að flytja aftur út, enda er stefnan tekin á það að taka 3 árið mitt í DK og reyna að skella sér út næsta sumar í smá frí ef ég verð búin að borga þessa bandaríkjaferð þá.
jæja þá er þetta nú komið nóg af rausi í bili og vona ég að allir hafi átt góð jól og áramót þetta árið.
until later.......